O BLOG E OS SEUS OBXECTIVOS
O blog do grupo de traballo de Historia de España é unha publicación en
liña especializada, destinada a orientar ao profesorado cara a preparación do
exame da ABAU da devandita materia. Aínda que centra a súa atención prioritaria
nos exercicios e contidos da proba, nace coa vocación de proporcionar aos
interesados informacións e recursos máis amplos, que faciliten a contextualización
dos diferentes obxectos de estudo.
Outro dos seus obxectivos é facilitar a
renovación e actualización dos coñecementos, dando conta das revisións e achegas
da investigación realizadas nos últimos anos. Por esta vía, o blog aspira a
servir como espazo de conexión entre o Ensino Medio e a Universidade, proporcionando
aos docentes de Historia de España de segundo curso de Bacharelato unha
información básica sobre as tendencias actuais no estudo da materia e as
novidades rexistradas no ámbito académico.
O blog parte das consultas efectuadas
polo profesorado na conta de correo electrónico do grupo de traballo (abauhistoria@gmail.com). Polo tanto, unha
das súas principais virtualidades é facer que as respostas dadas a título
particular sexan de coñecemento xeral. A outra é dotar ao grupo dun instrumento
de comunicación coa comunidade educativa flexible e adaptado á realidade das
aulas. É un recurso de carácter orientativo, polo que ofrecerá indicacións e
pautas xenéricas, non respostas elaboradas que poidan interpretarse como as
únicas válidas e coarten a liberdade docente.
AS
SÚAS CARACTERÍSTICAS
As
entradas do blog do Grupo de Traballo Historia ABAU aparecen agrupadas en cinco
categorías diferentes.
Orientacións:
ofrece directrices sobre a organización da proba e a súa interpretación
Consultas:
ofrece respostas a preguntas concretas sobre relación de contidos
Bibliografía:
ofrece apoio bibliográfico sobre consultas específicas realizadas polo profesorado, en forma de referencias,
textos ou enlaces a páxinas web de publicacións especializadas
Recursos:
ofrece información sobre materiais susceptibles de uso nas aulas: esquemas,
imaxes, gráficos, enlaces a páxinas web con experiencias didácticas, videos..
Neste apartado admitiranse achegas do profesorado enviando a correspondente referencia ao enderezo
Neste apartado admitiranse achegas do profesorado enviando a correspondente referencia ao enderezo
abauhistoria@gmail.com
Novas:
ofrece información sobre publicacións e actividades académicas referidas a Historia de España e Historia de Galicia
Neste apartado admitiranse achegas do profesorado enviando a correspondente referencia ao enderezo
abauhistoria@gmail.com
